ફિલ્મ ‘Sanju’ રિલીઝ થયા બાદ જ સંજય દત્ત જોશે તેમની બાયોપિક

0
470
Sanju

સંજય દત્ત માટે તેમની બાયોપિક ફિલ્મ ‘Sanju’ ની કોઈ સ્પેશિયલ સ્ક્રીનિંગ હશે નહિ. સંજય દત્ત નથી ઈચ્છતા કે તે રિલીઝ પહેલા આ ફિલ્મને જુએ. સંજય દત્તના જીવન પર આધારિત આ બાયોપિક ફિલ્મ Sanju ૨૯ જૂને રિલીઝ થવાની છે. પ્રાપ્ત માહિતી મુજબ, સંજય દત્તે ફિલ્મ નિર્માણની પ્રક્રિયાને થોડી પણ પ્રભાવિત કરી નહિ જેથી ફિલ્મ એવી બની શકે જેવી તેમની જિંદગી અને છબી રહી છે. એવી ખબરો સામે આવી હતી કે, સંજય દત્ત ભાવુક હતા અને તેમણે થિયેટરમાં રિલીઝ થયા પછી ફિલ્મ જોવાનું કહ્યું છે. સંજય દત્તે કહ્યું કે, તે તેની જિંદગી ફરીથી જીવવા માંગે છે, એક દર્શકની જેમ. એવા તમામ કારણો છે જેના કારણે સંજય દત્ત આ ફિલ્મને રિલીઝ પછી જોવા માંગે છે.

ઉલ્લેખનીય છે કે, રણબીર કપૂરની ફિલ્મ ‘સંજૂ’ નું ટ્રેલર રિલીઝ થઇ ગયું છે. સંજય દત્તની બાયોપિકની આ ડોઝની રાહ દર્શકો લાંબા સમયથી જોઈ રહ્યા હતા. ફિલ્મનું ટીઝર રિલીઝ થયા બાદ તે જોવું વધારે એક્સાઈટમેન્ટ હતું કે, સંજૂ બાબાની સ્ટોરીને ફિલ્મમાં કેવા અંદાજમાં બતાવવામાં આવશે. ટ્રેલરમાં સંજય દત્તના જીવનમાં ભરેલ ફિલ્મી મસાલાની પૂરી ઝલક બતાવવામાં આવી છે. આલીશાન સુવિધાઓમાં રહેલ સંજય દત્તનું સ્ટ્રગલ બખૂબી બતાવવામાં આવ્યું છે. બહુ લાંબા સમય બાદ રણબીર કપૂર મોટા પડદા પર ધમાલ મચાવવા માટે તૈયાર છે. ફિલ્મ સંજૂ દ્ધારા તે એકવાર ફરીથી મોટા પડદા પર કમબેક કરી રહ્યા છે. આ ફિલ્મમાં સંજય દત્તની રંગબેરંગી અને વિવાદિત જિંદગીના કિસ્સા જોવા મળશે. આ ફિલ્મ સંજય દત્તના જીવન પર આધારિત છે. તેમાં રણબીર કપૂર સંજય દત્તનો રોલ પ્લે કરી રહ્યા છે.

જેવું કે તમે જાણો છો કે, ફિલ્મ ‘સંજૂ’ ના ડિરેક્ટર રાજકુમાર હિરાની દરરોજ તેમની ફિલ્મના નવા પોસ્ટર દર્શકોની સામે રજૂ કરી રહ્યા છે. તેના માધ્યમથી તે દર્શકોને જણાવવાનો પ્રયત્ન કરી રહ્યા છે કે, રણબીર કપૂરનો સંજય દત્ત બનવાનો સફર કેવો રહ્યો છે? ફિલ્મમાં તે ક્યા-ક્યાં અવતારમાં નજર આવશે. સંજય દત્તની બાયોપીકમાં નરગીસ દત્તનો રોલ મનીષા કોઈરાલા પ્લે કરશે. તમને જણાવી દઈએકે, ૧૯૮૧ માં નરગીસ દત્તનું મૃત્યુ કેન્સરના કારણે થયું હતું અને મનીષા કોઈરાલા પોતે પણ કેન્સર સામે લડી ચૂકી છે. રાજકુમાર હિરાનીએ જણાવ્યું કે, મનીષા કોઈરાલા ખૂબ સારી અદાકારા છે અને અમને ખુશી છે કે, તે અમારી ફિલ્મનો ભાગ છે. આ સિવાય પરેશ રાવલ સંજય દત્તના પિતા સુનીલ દત્તનો રોલ પ્લે કરશે અને સંજય દત્તની પત્ની માન્યતાનો રોલ દિયા મિર્ઝા પ્લે કરશે.

Click for Tiny URL

NO COMMENTS

LEAVE A REPLY